នៅក្នុងពិធីសំណេះសំណាលនោះ ឯកឧត្តម រដ្ឋលេខាធិការ បានមានប្រសាសន៏ថា កន្លងមករាជរដ្ឋាភិបាលមិនត្រឹមតែបានខិតខំស្វែងរក និងរក្សាសុខសន្តិភាពជូនពលរដ្ឋប៉ុណ្ណោះទេ ថែមទាំងបានគិតគូរពីសុខទុក្ខពលរដ្ឋគ្រប់រូប ដោយមិនបោះបង់នរណាម្នាក់ចោលឡើយ។ ជាក់ស្តែង ដូចជាក្នុងអំឡុងពេលមានជំងឺកូវីដ-១៩, រាជរដ្ឋាភិបាលដែលមាន សម្តេចតេជោនាយករដ្ឋមន្រ្តី ហ៊ុន សែន ជាអគ្គមគ្គុទេសក៍ឯក មិនត្រឹមតែបានគិតគូរក្នុងការទប់ស្តាត់មិនឱ្យមានការឆ្លងរីករាលដាលខ្លាំងប៉ុណ្ណោះទេ ថែមទាំងបានដាក់ឱ្យអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ-១៩ កាលពីថ្ងៃទី២៤ ខែមិថុនា ឆ្នាំ២០២០ ដើម្បីរក្សាលំនឹងជីវភាពពលរដ្ឋគោលដៅ រហូតដល់ពេលបច្ចុប្បន្ន ដោយចំណាយថវិការដ្ឋអស់ប្រមាណជាង ១ពាន់លានដុល្លារអាមេរិក ដែលសរបញ្ជាក់ថា រាជរដ្ឋាភិបាលតែងតែគិតគូរ និងយកចិត្តទុកដាក់ខ្ពស់ចំពោះសុខទុក្ខពលរដ្ឋ ទោះបីស្ថិតក្នុងកាលៈទេសៈណាក៏ដោយ។