កាលពីថ្មីៗនេះ, ឯកឧត្តមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាជាតិគាំពារសង្គម បានដឹកនាំក្រុមការងារចុះទៅខេត្តឧត្តរមានជ័យ ដើម្បីស្វែងយល់អំពីវឌ្ឍនភាព និងបញ្ហាប្រឈមនៃការអនុវត្តកម្មវិធីអន្តរាគមន៍របស់រាជរដ្ឋាភិបាលសម្រាប់ទ្រទ្រង់ជីវភាពគ្រួសារភៀសសឹក ដែលរងផលប៉ះពាល់ពីជម្លោះព្រំដែនកម្ពុជា-ថៃ។ ឆ្លៀតក្នុងឱកាសនោះដែរ, ឯកឧត្តមបណ្ឌិត និងក្រុមការងារ ក៏បានជួបសំណេះសំណាលជាមួយពលរដ្ឋមួយចំនួនដែលទទួលបានប្រាក់ឧបត្ថម្ភ ពីកម្មវិធីឧបត្ថម្ភសាច់ប្រាក់របស់រាជរដ្ឋាភិបាលជូនគ្រួសារក្រីក្រ ងាយរងគ្រោះ និងងាយរងហានិភ័យ ដែលរងកម្មវិបាកពីសម្ពាធប្រេង និងឧស្ម័នឥន្ធនៈ។